Urupfu rwa Kigeli IV Rwabugili

Rwabugili ari I Gihogwe ni muri Muhanga y’ubu, yumvise inkuru ikomeye.Igihugu cy’u Bunyabungo cyari cyigaruriwe naRutaganda(yaraganze).Amaze kubyumva ahita yiyemeza gutera u Bunyabungo.Bageze ku kirwa cyitwa Ibinja yumva aribwa mu nda birakomera cyane atangirakuvugishwa.

Babibonye, bihutira guhamagara umwiru  mukuru w’iyimika Rutikanga wa Nkurikiyingoma wari wamaze kwambuka.Umwami bamwomorera i Nyamasheke.Abasare 8 b’Abanyabungobahise bicwa kuko bari bumvise umwami ataka avugishwa.Rwabugili aratanga umugogo we utwarwa I Nyamasheke.Bivugwa ko ngo yaba yararogewe ku i Binja.

Ikigaragaza ibyo ni uko bamaze komoka, Abarwanyib’Abanyabungo bahageze ari benshi bashinyagurira Abanyarwanda. Ku munsi wakurikiye nibwo iyo nkuru y’incamugongo yamenyekanye. Hari muri Nzeri 1895. Umugogo wa Rwabugili watabarijwe I Rutare aho abami b’intambara bashyingurwaga.

Ryabaye iherezo ry’umwami w’umurwanyi w’igihangange. Hari inkuru nyinshi zitandukanye zivuga ku rupfu rwa Rwabugili. Iya mbere ni ivuga ko yaba yararozwe n’Abanyabungo nkuko tumaze kubivuga. Indi ni  ivugako yaba yararozwe n’abatari bashyigikiye ko Rutarindwa aba umwami kuko Rwabugili yari yararaze Rutarindwa ingoma. Hari n’abavuga ko Rwabugili yaba yarapfuye azize umutima kubera ingendo za hato na hato ziruhije kandi za buri gihe